Newark flyplass, New York

Vi er no på Newark-flyplassen i New York og ventar på neste boarding. Erlend ser Saints-kampen for å få tida til å gå. Eg bloggar. Flyturen frå New Orleans gjekk fint. Vi har heldigvis fått Business-billettar over dammen. Frå NO til NY oppgraderte vi for eit lite tillegg i pris, og det hjelp på ein rygg som er litt låk. Det er ca 2 timar til flyet vårt til København lettar. Vi landar på Vigra i 14-tida i morgon, mandag. Det var veldig trist å reise i dag tidleg. Eg sleit med å halde tårene tilbake på veg til flyplassen, men hadde eg først starta, hadde eg nok ikkje klart å slutta. No går det bedre, og vi gler oss til å komme heim! :)

Siste dag i Nola

Lillian, Erlend og eg starta siste dag i Nola med ein stor og god frukost på Gott Gourmet; omelett, frukt, blåbærpannkaker, appelsinjuice og kaffi. Åt oss stappmette! Frukost utandørs i sola i desember vart nytt til det fulle før møtet med Sunnmørsk vinter. Etterpå vart eg med Lillian på shopping (eg var ikkje tung å be). Fekk til og med kjøpt ei julegåve som ikkje tok opp plass i kofferten. Så då var den siste handleturen på Lakeside Mall rettferdiggjort. Eg sperra USA-mobilen min på veg tilbake til byen, før vi møtte Liselott, Magnus (bror til Anders) og Camilla (gift med Magnus) og Erlend for lunsj og kaffi. Etter ein dubb, pakka vi. Då var dagen nesten gått. Vi åt middag i lag med Lillian, Anders, Liselott, Magnus og Camilla på Jaquemo's - ein spesiell restaurant der ein går gjennom kjøkenet for å komme inn i spisesalen. Det kom ikkje med på biletet, men på neonskiltet på veggen utanfor står det; "Warm beer, lousy food and poor service". Ingen av påstandane stemte. Nydeleg mat, drikke og god service; forrett og dessert på huset. Flott avslutning!

Vi kjem til å sakne New Orleans og gode venner. Vi har vore så heldige. Det har vore litt av ei oppleving. Takk til alle dykk som har vore med på å gjere livet vårt i Nola så fint. Men no skal vi starte på eit nytt kapittel, og vi gler oss til det.

Jul på Fulton Street

Kvart aar i desember vert Fulton St stengt av for aa lage ei julegaagate i delar av den. I kveld var det live musikk paa scena, salg av harry juleartiklar, biletetaking med nissen osv. I lobbyen paa eit av hotella langs gata stod eit Super Dome "pepparkakehus". Vi maatte sjolvsagt ta eit bilete med nissefar.

God jul fraa Lillian og meg! :)

Fin fredag (så langt)!

Nest siste dag i Nola... Det er nydeleg haustver her, så vi besøkte dyra i Audoboun Zoo. Favorittdyr; giraffane. Etterpå åt vi ein god lunsj. Sidan Erlend insisterte på å kjøpe is og cappuccino på Sucre, så vart eg med på det for å glede han. Det er uvandt og deilig på samme tid å ete is i sola i starten av desember (utan termodress og stråleovn). Til kvelden skal Erlend ha ein siste kveld med karame. Eg og Lillian skal ut å ete middag. Og kanskje, sidan det er nest siste kveld i byen, skal eg halde meg våken til over klokka 22. Kanskje høyre litt musikk på Frenchman? Sukk!

Pynte til jul?

Less is more? Slik skal vi også dekorere til neste år... Eller kanskje ikkje? :)

Pink scooter

I går kveld kom Lindsay og Daniel på besøk til byen. Dei har begge budd her tidlegare, då dei jobba med å bygge hus for Habitat for Humanity. Det var kjekt å sjå dei igjen. Vi var innom eit arrangemang, noko med Pepsi og scootera. Lillian, som elskar rosa, skulle utan tvil hatt denne.

Ettermiddagskos!

Medan Erlend er på fagmesse, har eg vore på Belladonna Day Spa og hatt masasje. 50 min med total avslapning. Herleg! Men for eg kunne faa bestille time, maatte eg sjolvsagt ha ein lapp fraa legen som sa at det var greit at kunne ha masasje. Pga forsikring. Det er USA. Men det var verdt styret. Etterpaa kosa eg meg paa balkongen til Liselott og Anders med eit blad, ein kopp te, julekake og mandarin. God ettermiddag! :)

Avskjedsgåve

Denne koselege godnattboka fekk vi frå Liselott og Anders. I den seier vi god natt til alt som er typisk Nola. Nydeleg! Tusen takk!

Avskjedsgåve

Vi må også takke så mykje til Lillian, Mette, Kai og Ella for dette flotte veggteppet av ein trompetist i French Quarter. Fine minner å ta med heim til Norge.

High Tea og julestemning på Windsor Court Hotel.

Vi er stappmette på te, kanapear, scones og dessert. Har drukke ørten koppar med te. God julete. Fekk litt julestemning i oss i dag. Det er kaldt i veret, og inne i salongen speler dei julesongar på harpe. Koseleg stund! :)

Te med melk og dessert. Nam!

Flyttebilen.

Då har flyttelasset gått. Flyttefolka var effektive! Dei pakka alt og tømte leilegheita på ca 4 timar! I ei av alle desse kassene ligg passet til Erlend! Oppdaga det sjølvsagt når alt var stua inn i bilen. Flyttekarane må finne kassa med printaren vår i, når bilen er tilbake på lageret deira. Erlend gløymte ta passet sitt ut etter å ha scanna det. Tipsa dei godt for bryet.

Då er leilegheita tom!

Flyttelasset er på veg ut av dørene....

Siste morgon i leilegheita.

Karusell i Lafreniere Park.

Medan Erlend spelte kamp, gjekk eg ein liten tur i parken. Denne fine, gamaldagse karusellen er populaer blandt dei minste. Den er saa fin, saa maatte berre legge ut eit bilete av den.

Siste kamp for Hellas United.

I dag tidleg spelte Erlend sin siste fotballkamp for Hellas United i Lafreniere Park. Det var ein jamn kamp, men enda dessverre med eit 2-3 tap. Eg fekk ikkje lov av Erlend aa skrive at det andre laget kun hadde 8 spelarar. Det er kaldt i lufta her no, men fint ver og varmt i sola. Eg kosa meg i campingstolen min med ein kopp latte fraa Starbucks. Ikkje mykje som minna om forste sondag i advent. Vi haapar julestemninga kjem sakte men sikkert etter vi kjem heim. Vi har pakka det meste i leilegheita. I morgon kjem folka fraa flyttebyraaet, tirsdag kjem vaskedama, sondag 5. flyg vi og landar paa Vigra mandag 6. Kun ei veke igjen i New Orleans. Blanda folelsa.

Thanksgiving lunsj med Chad og Dana

Erlend, David og Anders på taktoppen hos Chad og Dana. Bileta er av Warehouse og Business District down town New Orleans.

Dana og Chad laga ein nydeleg lunsj! Liselott og eg nyt maten.

Torsdag feira vi Thanksgiving i lag med Chad, Dana, mor, far og tanta til Chad, Anders, Liselott og David. Veldig snilt av Chad og Dana å invitere oss! Vertane diska blandt anna opp med kalkun, pølser, skinke, bønnegrateng, søtpoteter, gratinerte poteter, fyll, saus og ostekaker til dessert. Vi åt sjølvsagt alt for mykje - maten var nydeleg! Etter lunsj gjekk vi til ein bar i nærleiken og såg Saints vinne knepent over Dallas Cowboys. Under kampen var dei lokale nyheitene innom baren og filma. Vi fekk våre knappe 5 sekund i rampelyset på nyheitene samme kveld.

Dåp til Ella

Prest Erland, Kai med Ella i armane og Mette.

Mette, Kai og Ella.

Søndag 21.11.2010 vart Ella døypt i Sjømannskirka her i New Orleans. Dåpsbarnet oppførte seg eksemplarisk, og var så nydeleg i dåpskjolen. Det var ei fin gudstjeneste med jazzmusikk. På videoen (med dårleg lyd) kan dykk høyre "What a wonderful world", som vart framført etter ønske frå Mette. Vidar gjorde ein god jobb med å samle musikarar til dåpen, noko som alltid vert satt pris på. Etter sermonien var det kyrkjekaffi med riskrem og blautkake. Som alltid - god mat frå husmor Lillian.

New Orleans Saints

Eg og Erlend før kampstart.

The Superdome med The Arena (der basketlaget Hornets spelar) i bakgrunnen.

Champions Square før kamp.

Vår første (og siste?) Saints-kamp! Det var jaggu på tide! Vi har vore her i over eit og eit halvt år, og søndag var det absolutt siste sjangs å få med seg ein kamp i The Superdome. Stadion ser ut som eit romskip på utsida og husar 70 000 mennesker når det er fotballkamp. I fjor vann Saints Superbowl, og heile arenaen vart kledd i gullplater. Ein kamp varer omtrent i tre timar. Det er mykje stopp i spelet, og i pausene er det underhaldande berre å glo på alle dei rare folka som samlast til kamp. Ein ser alt frå oppdressa Uptown-fruer i stiletthelar til harry Rednecks, og alltid mange kostymer. :) Utanfor på parkeringsplassane står det parkert enorme bobilar med TV, antenner, utedo, grill og 13 karnapp på rad og rekke. Tailgating (kan forklarast som fotballfest i gatene på stadionområdet) foregår frå tidleg morgon til seint på kveld. Må takke Anders som fiksa oss gode billetter! Vi hadde det kjempe artig!

Baby Shower

Tirsdag arrangerte Lillian, Mette, Linn og Erland baby shower for Erlend og meg. Vi hadde det så koseleg, og det var kjekt at nesten alle kunne komme. Vart rørt og litt overvelda over alle dei flotte gavene, og dei gode orda Lillian kom med då ho holdt ein liten tale. Nokre av korta klarte eg ikkje å lese høgt. Er svært så lett det er å ta til tårene for tida... Vi laga til litt mat og drikke. Lillian hadde baka kake og Linn bidrog med eit nydeleg foccacia-brød. Tusen, tusen takk til alle!! :)

I går var vi på innkjøpsrunde. I tillegg til alle dei fine tinga vi fekk, så fekk vi også eit gåvekort på Babies R Us frå Kongsberg-karane (i tillegg til to stk Kongsberg t-skjorter :)). Vi fekk kjøpt alt mogleg; kle, klutar, krakk, veggpynt, sko, tåteflasker, osv, osv. Eit lass med diverse ting. I kassa lurte dei på om det var første ungen vår.... Nedanfor ser dykk bilete av alt det fine vi fekk. Igjen, takk til alle saman!

Brudekjole til Liselott

I går var Lillian, Mette og eg med Liselott for å sjå på brudekjola. Liselott og Anders skal gifte seg 22.april neste år. Ho har litt dårleg tid på å finne den rette kjolen, då bestillingstida kan vere opp mot fire månader! Vi var paa tre butikkar, og det staar no mellom to kjolar. Ho saag nydeleg ut i begge! Skulle saa veldig gjerne vore her i bryllaupet deira....

Mamma - kan du strikke...?

Bilda er lånt frå Pur Norsk sine heimesider; http://purnorsk.no/index.php

Eg får med jamne mellomrom nyhendebrevet frå Pur Norsk. Der såg eg denne bodyen og kjolen frå Ugly Childrens Clothing i Mariusmønster. Så utruleg fine! Vi kjøpte ein slik body i blå til Jakob då vi var i Oslo og fiksa visum til USA før vi reiste over hit. Kanskje den kan lånast..? ;) Kjolen trur eg at mamma skal få ta ein titt på.

Meir Skandinavisk Festival 2010

Solo (på glasflaske!) og sjokoladekake - Mmmmm! :)

Live jazzmusikk på Jazzkirka - sjølvsagt.

Anders, Erlend og Kai stod for vaffel-, pølse- og ølsalg.

Bakgården på Sjømannskirka.

Årets Skandinaviske Festival var svært vellykka, med nesten 2 000 mennesker innom porten for å kjøpe norsk/skandinavisk julepynt og andre produkter, og for å smake tradisjonell norsk mat og bakst. Allereie laurdag formiddag minka det på det meste. Lillian, som dreiv kjøkenet, gjorde ein fantastisk innsats i lag med resten av staben og frivillege. Det gjekk blandt anna med 20 liter vaffelrøre, nærare 1 000 krumkaker, ørten nissar og troll og ein fingertupp. Flott arrangement!

Laurdag formiddag

Dagen i dag starta med blanda følelsa. Godt nøgd med å komme meg opp kl 7 på ein laurdag morgon for å trene. God start på dagen! Erlend var også tidleg oppe for å rydde, støvsuge og vaske Porscha. Då han var heime igjen kosa vi oss med kaffi og Kvikk Lunsj. Mmmm! Har hatt inderleg lyst på akkurat den sjokoladen heile veka, og vart glad då dei fekk den inn på kirka. Erlend er litt lei seg fordi Porscha skal selgast i dag. Det er noko vemodig. Han har no henta kjøparen på flyplassen. Eg har ramma inn eit bilete av han i Porscha som eit lite minne. No er eg spent på å høyre korleis det har gått med salget.

Skandinavisk Festival 2010

Denne helga er det Skandinavisk Festival paa Sjomannskirka. Kvinneforeninga staar for salg av tradisjonell, nordisk julepynt, tekstilar og strikkeprodukt. Det er ogsaa salg av vaflar, norske kaker og julekaker, smorbord med leverpostei, rekesalat, eggerore og laks osv. Og i butikken paa kirka er det norske, importerte matvarer aa faa kjopt, alt fraa pinnekjot og lutefisk til julemiddagen til Solo (paa glasflaske er viktig aa faa med: ekstra god paa smak!) og Kvikklunsj. Amerikanerane elskar norske nissar og troll: ''Ooohh! It's amazing!''. :) I aar har kirka faatt god omtale i avisa her i Nola, med spesiell vekt paa norsk mat. Husmor Lillian er tom for matvarer og seinare i dag skal eg og Linn paa handletur. Mange har komt for aa smake krumkake med krem og jordbaer eller marsipankake. Link til artikkelen finn dykk ved aa klikke her.

Voodoo Fest 2010

Voodoo Scena. Rett ovanfor denne står Sony scena, og på desse to største scenen avløyser den eine konserten den andre. Når ein konsert på eine scena er ferdig, treng ein berre snu seg og så går neste konsert på den andre scena.

Lillian og eg nyt siste solstrålande på fredag ettermiddag.

Gjengen samla på tepper og presenning. Det er ikkje lov å ta med stolar inn på området. Var litt støl etter første dagen.

Lillian, eg og Erlend

Voodoo scena igjen etter det vart mørkt. Dei hadde eit kult laser show.

Erlend og eg tek ei lita pause

I helga var vi i City Park på Voodoo Festival. Det er ein stor musikkfestival med rundt 30 konsertar kvar dag, fre-søn. Kan minne om Jazz Fest som alltid går av stabelen på våren her i byen, men med eit meir rocka preg. Denne helga var det i tillegg Halloween og Saints-kamp. Fredag fekk vi med oss; Metric, Weezer og Muse. Det var ein av dei kaldaste kveldane til no, og sjølv om vi var godt kledd, så småhutra vi oss gjennom konsertane. Laurdag var forma litt redusert etter mykje ståing, frysing og lite mat dagen før. Eg frykta ein gryande forkjølelse, så vi tok det roleg tidleg på dagen. Etter graut og ein power nap var vi tilbake i parken for å høyre; Cage the Elephant, Florence and the Machine og Ozzy. Favoritten var sjølvsagt Ozzy, sjølv om eg kunne ønska meg fleire gode, gamle slagera. Positivt overraska over Florence and the Machine. I lag med Metric på fredagen, var det kjekt å sjå gode kvinnelege artistar på dei to største scenene også. Med mildare ver og meir mat i magen (supergode pannekaker med jordbær og Nutella! :)), var laurdag ein flott dag. På søndag var planen og kle seg ut, men ettersom eg vart åleine om det av gjengen som skulle på festival, så droppa eg det. For ei tid tilbake gjekk eg til innkjøp av ein muffins-kostyme med kirsebær-hatt. Det må nok med i bagasjen til Noreg. Kanskje vi skal arrangere Halloween-party neste år? Heile helga krydde det av folk i kostymer over alt i byen. Så utruleg mange kreative folk, og mindre kreative. I denne byen kan det til tider vere vanskeleg å seie om nokon har kledd seg ut, eller om dei alltid går kledd slik. Med andre var det derimot ingen tvil. Konsertane søndag var; Interpol, MGMT og My Morning Jacket. Interpol var favoritten. Midt under eine konserten kunne vi sjå ein straum av folk som bevega seg mot utgangen. Svært mange gjekk for å rekke Saints vs Pittburg Steelers. Mot slutten av siste konserten fekk også vi nok festival, og kjaure på Bull Dog for å få med oss siste del av Saints-kampen. Det enda med siger, heldigvis, etter nokre veldig variable kampar siste tida. Who dat! Og godt å sjå Aafk slå Brann tidlegare på dagen.

Og litt til til jenta vår....

På torsdag var eg å handla mammakle i lag med Linn. Ho er gift med presten på Sjømannskirka, som heiter Erland. Veldig trivelege folk. Dei har to søte ungar, Stella og Markus, og ventar den tredje i januar (ein gut). Kjekt å ha nokon og handle i lag med. Eg fann meg eit par jeans (heldigvis) takka vere Linn som leita bedre enn butikdama, fire gensarar og ein kjole. Godt nøgd, då det er stadig mindre av klea mine som passar for tida. Før vi betalte såg vi på babykle og div anna, og då kom eg over kanina og tøflene på biletet. Eg klarte ikkje å la dei ligge igjen, dei var så søte. Håper kanina blir ein favoritt... :)

Første innkjøp til den lille.

Bilete til barnerommet.

Kle til tulla vår.

I går stakk eg og Erlend innom ein barnebutikk på Magazine St og kika litt på barnekle. Vi har ikkje handla noko særleg fram til no. Eg har hatt kontrollen på mandag denne veka som milepæl. No som vi veit kjønn er det enklare å vete kva kle og fargar vi kan handle inn. Så då måtte eg berre kjøpe litt. Har vore innom butikken tidlegare, og har lenge sett meg ut nokre bilete til barnerommet. Og så måtte eg berre ha eit par body'ar og ein søt nattdress. Størrelsar og logikk som lange mot korte ermar på vinter/sommar og slikt har eg ikkje tenkt på. Det får kome med erfaring etterkvart... :)

Erlend klar for Noreg!

Tidlegare i dag kjøpte eg skjerf og hue til Erlend slik han kan vere kledd for heimreisa i desember. Flott du vart! :)

Po-boy på Mahony's til lunsj.

Shrimp po-boy

Vi har vore her alt for lenge utan å hatt ein skikkeleg po-boy. Det er ein tradisjonell sandwich frå Lousiana; kvitt brød (baguette) fyllt med kjøt eller sjømat vanlegvis frityrsteikt. Nokon meiner namnet kjem av poor-boy, fordi det var ein rimeleg matbit for den som ikkje hadde så mykje å rutte med. For å vere ærleg så er det ikkje ein fantastisk kulinarisk opplevelse, men det gjekk ned på høgkant tidlegare i dag, då eg heldt på å svelte i hæl. Då kan vi krysse det av lista over ting vi "berre må" gjere før vi reiser.